the king عضو مشارك
اسم العضو : the king عدد المساهمات : 76 تاريخ الميلاد : 17/01/1988 العمر : 36 محل الاقامة : مصر_الاقصر علم دولتك : عارضة الطاقة : تاريخ التسجيل : 15/06/2009
| موضوع: اعرف شخصيتك...........انت ايه الثلاثاء 23 يونيو 2009, 1:50 am | |
| اعرف شخصيتك..
المطلوب منك أن تجيب عن الاسئله الاتيه وان تتذكر جيدا إجاباتك
1- تخيل نفسك داخل غابه..اوصف هذه الغابه كما تراها أنت..وأذكر شعورك وأنت فيها(قلقان..خايف..متوتر..سعيد..إلخ)
2-عندما كنت تسير داخل الغابه عثرت على "فنجان"..
أوصف شكل ولون هذا الفنجان..ثم أذكر هل ستأخذه معك أم لا..؟
3- ثم تابعت السير وفجأه ظهر امامك أسد..
كيف ستتصرف معه..هل ستواجهه أم ستهرب..؟
4- وأثناء سيرك فى الغابه وجدت بحيره..
أوصف هذه البحيره..ثم أذكر هل ستنزل إليها أم ستقف عندها أم ستتجاهلها تماما وتنصرف..؟
ــــــــــــــــــــــــــــــــــــــــــــــــــــــــــــــــــــــ
وبهذا تنتهى المرحله الاولى..
وتبدأ المرحله الثانيه..
5- تخيل نفسك فى صحراء..
أوصف هذه الصحراء..ثم اذكر شعورك وانت فيها
"تماما مثلما فعلت مع الغابه"
6- عندما واصلت السير فى الصحراء ..
عثرت على صندوق..اوصف شكل هذا الصندوق ولونه وإذا فتحته هل ستجده فارغ أم ماذا ستجد فيه..؟
7- تابعت السير فى الصحراء ..فوجدت "سلم" اوصفه..
واذكر هل يستطيع أن يتحملك إذا وقفت عليه أم لا..وهل ستأخذه معك أم ستتركه..؟
8- ثم عثرت على حصان..اوصفه وماذا تتوقع رد فعله إذا حاولت الإقتراب منه..هل سيطمئن لك أم لا..وهل ستأخذه معك أم ستتركه..؟
9- وبعد سير طويل..وجدت سورطوله وعرضه ليس لهما حدود..اذكر ماذا ستفعل هل ستجلس تحته وتنتظر الفرج..؟
أم ستحاول إحداث فتحه داخل هذا السور ..؟
أم ستسير بجانبه للوصول الى نهايته..؟
إلى هنا تكون الاسئله قد إنتهت
وبعد دخول اكبر عدد من الاعضاء سوف أقوم بإرسال دلالات هذه الاسئله حتى يتعرف كل من دخل واجاب عن هذه الاسئله كيف يتعرف على شخصيته..
تقبلوا منى كل التحيه والتقدير _________________ |
|
عيون ساهرة مشرفة
اسم العضو : ريم عدد المساهمات : 3077 تاريخ الميلاد : 30/08/1985 العمر : 38 الأوسمة : محل الاقامة : القاهرة علم دولتك : عارضة الطاقة : تاريخ التسجيل : 02/10/2009
| موضوع: رد: اعرف شخصيتك...........انت ايه الجمعة 02 أكتوبر 2009, 7:15 am | |
| لما هكون داخل الغابة لوحدي هحس بالخوف ولون الفنجان هيكون لونة ابيض منقوش في بني وهاخدة معايا ممكن احتاجة لما يظهر قدامي الاسد اكيد هتعرب بس هستسلم عشان مفيش فايدة هروح منة فين يعني كدة كدة احنا في غابة انا متخيلة شكل البحيرة هيكون شكلها غاية في الروعة والجمال والمياة فيها هتكون نظيفة جدا وحواليها زرع صفير يعني نجيلة وفية نخلة كبيرة وشجرر صغير بس انامش هنزل فيها يكفيني اني اتمتع بالنظر ليها وممكن اجلس عندها وبس بس لازم الشمس تكون موجودة .............................................................................................................. بالنسبة للصحراهون حراة اوي وزهقانة عشان انا مش بحب الرمل لو صحراء ثلجية هكون مستمتعة لكن صحراء رملية هكون خايفة وطبعا هكون متوقعة لظهور اي شئ امامي اما بالنسبة للصندوق هيكون حجمة كبير يعني طولة حوالي متر وعرضة نص متر لونة هيكون بني خشبي وهيكون علية رمل كتير ولما هفتحة هلاقي فية هدية قيمة جدا عبارة عن عقد الماظ وهيكون معاة رسالة وزجاجة مياة كبيرة والسلم اللي هلاقية هيكون عبارة عن سلم خشبي طويل اكيد هيتحملني بس انا بخاف اطلع ع حاجة عالية يعني مش هستعملة بس هاخدة معايا ممكن يكون لية معايا استعمال الحصان لونة هيكون ابيض وكبير هيطمنلي بس انا اللي هكون خايفة منة ومش هاخدة معايا انا مش عارفة اعمل اية في السور ممكن احط السلم واطلع علية بس ممكن السلم يكون قصير اوهفضل امشي يمكن الاقي حد قبلي مشي في الطريق دة وعمل فتحة وعدا منها وانا كمان اخدي منها حسب الظروف ياريت تقولي رد ع الاختبار دة |
|
HYATI_MYLOVE مشرفة
اسم العضو : HYATI_MYLOVE عدد المساهمات : 540 الأوسمة : محل الاقامة : دمياط علم دولتك : عارضة الطاقة : تاريخ التسجيل : 02/02/2009
| موضوع: رد: اعرف شخصيتك...........انت ايه الجمعة 02 أكتوبر 2009, 8:47 am | |
| بهنيك على موضوعك الراااااااااائع كينج انا فى بعض الاسئلة عارفة اجابتها وبعضها متردد او مفيش عندى اجابة لها زى ازاى انا هحل مشكلة السور دى لكن انا اولا هكون سعيدة جداااااااا وانا بالغابة حتى لو لوحدى لان بحب المغامرة جداااااااا وبستمتع بدااااا الفنجان عسلى منقوش بابيض لا انا هسيبه مش هاخده معايا ظهور اسد امامى فجاة يتطلب رد فعل فى وقتها معرفش افكر ايه اللى هيحصل واقول ومش قادرة اتخيلها بصراحة البحيرة!!!!!!!!!!!! ان بعشق منظر البحر مع الشمس والسماء لما تكون زرقاء وحواليها الخضر والشجر منظر يهوس لكن انا مش هنزل فيها لانى بخاف من الماء البحر غدار يعنى وكدة هههههههههه ................................................................................................................ الصحراء يااااااااااااااااااه كبيرة اوى - انا خايفة مووووووووووت مش بحب اتلاماكن المفتوحة وساكتة اوىكدة مش فيها حركة بتخنقنى صندوق قديم خشبه متين ولونه بنى محروق هفتحه ممكن يكون فيه زجاجة ميه فى العطش اللى احنا فيه داااااااااا او ممكن يكون فاضى او يكون حد دافنه وفيه شىء ثمين زى عقد الماظ كدة وعيون ساههرة لما فتحته قبلى اخدته فهلاقيه انا فاضى ايا كان اللى فيه مش هاخده لقيت سلم خشب طويل وف نفس الوقت خفيف اه يتحملنى اه هاخده معايا يمكن احتاجة ولا حاجة حصان لونه بنى مايل للاسمر وشعر ديله طويل وبيلمع من شدة نعومته بالشمس لو لقيت ان فى حد موجود غيرى ف الص3حراء دى ومحتاجة اكتر منى هسيبه لو مكنش حد موجود هاخده لانى بحب الاحصنة وبستمتع بركبها والله حكاية السور دى انا طبعا مش همشى جنبه لحد ما اوصل للنهاية السلم اللى معايا له لازمة هو طويل وتالسور طويل لو هيوصلنى لنهاية طول السور هطلع عليه لو مش كفاية هركب الحصان بدل ما امشى وهو دا اسرع يعنى انت فعلا كينج موضوع وتفكثير يجنن فناااااااااااااااااان انت تقبل مرورى ومع فائق احترامى وياريت رد الاختبار بسرعة وياريت انت كمان تجاوب على الاسئلة مثلنا hyati_mylove |
|
الطالب المصرى مشرف قسم المشكلات السياسية
اسم العضو : الطالب المصرى عدد المساهمات : 2460 تاريخ الميلاد : 01/01/1989 العمر : 35 الأوسمة : محل الاقامة : مصر-الأقصر علم دولتك : عارضة الطاقة : تاريخ التسجيل : 04/06/2009
| موضوع: رد: اعرف شخصيتك...........انت ايه السبت 03 أكتوبر 2009, 9:56 pm | |
| اولا السلام عليكم ورحمة الله وبركاته وكل سنه وانتوا طيبين منورة اختى عيون ساهرة واهلا بيكى فى منتدانا واسرتنا الجميله ومشكورة اختى حياتى مايلف وحمد الله ع السلامه وحشتينا ووحشتنا موضوعاتك طولتى الغيبه علينا الف حمد الله ع سلامتك بالنسبه للموضوع هو طرحه الاخ زاكينج بس للاسف العضو ده مش بيدخل المنتدى ومش هيدخل هو من اعز اصدقائى وزميلى فى الجامعه كمان وانا عارف الحل بتاع الاختبارات وممكن اقولكم عليه بس لما يدخل اكبر عدد م الاعضاء زى ما قال الاخ زاكنج ولكم منى وافر التحيه ولتقدير |
|