أنا ليه بيحصلي كدة ؟؟؟ نفسي افهم

السلام عليكم
مش عارفة اذا الموضوع دا مكانو هنا او لا بس انا في حاجة ماسة للمساعدة
مساعدة بجد مش مجرد رد على موضوع وخلاص

انا عمري 20 سنة يمكن مشكلتي ناس كتير تشوفها سخيفة و زي ما بيقولوا الايام دي " ايه البنت السيس دي " بس انا محدش ممكن يتخيل احساسي دلوقتي

باختصار شديد انا بنت لا تنقصها شيء من شكل علم شخصية اهل الحمد لله عشت بره مصر أغلب حياتي قد اكون ولدت بره مصر رجعت مصر بعد ما دخلت الجامعة

قبل ما ادخل الجامعة كان الدعاء الوحيد الي بدعيه انو يارب مش عايزة اقع ف حوارات االجامعة والهبل والصحوبية bla bla
وفعلا ربنا استجاب لدعوتي وبقيت من كتر ما الموضوع مش بيعدي عليا خالص الناس تعد تقولي ايه ده معقول انتي مش مرتبطة معقول مش عارفه ايه و كل الكلام الفاضي ده ... مكدبش عليكوا انو مكنش نفسي بس انا بفكر بعقلي اوي اوي بطريقة متخلفة .. اه نفسي احب واتحب بس ف نفس الوقت انا مليش ف الصحوبية و الكلام ف نص الليل والحجات مش بعرف اعمل كدة لانو مش بعرف اخبي عن اهلي حاجة ممكن ناس كتير تشوفها ضعف فالشخصية بس على العكس تماما

المهم اتعرفت على واحد على النت كنت اعرفه اصلا من زمان كان معايا ف نفس الدولة اللي كنت عايشة فيها بس عمرنا ما اتقبلنا ولا اتكلمنا ... اتكلمنا كتيييير اوي على النت .. سعات كنا بنعد اونلاين ممكن 24 ساعة لغاية الفجر ونصلي الفجر ونكمل ونزاكر سوا فضلنا كدة لمدة اسبوع حاجة ضحكة جدا عارفة بس عايزة اقول انو ده كان احلى واحلى اسبوع ف حياتي
بدانا نخرج فالفترة دي حكالي عن اول واحدة حبها ف حياتو .. اتاثرت اوي وبدات احس انو لسه بيحبها مش عارفة ليه كنت بغير اوي منها مع انو سابها من فترة كبيرة بس مجرد اني سمعت عنها حسيت انو صعب اوي اخليه ينساها ويحبني ادها او اكتر
مش عارفة ليه فقدت الثقة ف نفسي وبدات اخلق خناقات عالفاضي غصب عني وبدا عدم ثقتي ف نفسي تبقى واضحة و اوقف ليه على الواحدة ...
بدا يعاملني بنفس المعاملة لدرجة انو وصل بيه يقولي كلام يجرح .. قلة ادب بالمعنى .. و كنت كل ما اقوله ميصحش وايه الي بتقوله ده ومبينفعش تقول الكلام ده يقولي انا كدة ولو انتي معملتليش ده يبقى كدة هتخليني ابص لواحدة تانية وكلام كدة لا يصدقه عقل ولا حجات لا يمكن كنت اتخيلها ممكن تتطلع من الانسان اللي انا عارفاه اكتر من نفسي .. وده بجد مش مبالغ فيه

المهم قطعت معاه وسبنا بعض قلتله انا مستحيل اعمل كدة .... مسحته من عندي بس مقدرتش امسح الايميل الفترة دي كانت اصعب فترة ف حياتي شيلت مواد كتير ف الجامعة مع العلم انا ف كلية من كليات القمة زي ما بيقولوا هنا ف مصر ... خسيت حوالي 6 كيلو ف اسبوع وصلت لمرحلة نفسية عمري ما وصلتلتها تقريبا مكنتش باكل .. اتكلمت مع دكتورة نفسية ... عملت كل حاجة

مرت 3 سنين كنت نسيت شوية قابلت ناس كتييييييييير وناس كتييير حاولت تتقرب مني بس كنت ببعد لاني جوايا احساس لحد تاني .. احساس جوايا ضغطت عليه عشان اقدر اعيش حياتي واكمل طبيعية خايفة من اهلي لا يحسوا

لحد من اسبوع بس واحد رجعنا نتكلم تاني بصراحة ان اللي بدات بالكلام على الايميل .. هو كان حاول بعد ما سبنا بعض اوقات كان بيدخل يكلمني بس مش عارفه وقتها كان لسه الجرح الي جوايا منه مخلصش وكنت نفسي اوي يجي ويعتذر بس هو عمره ما عمل كدة ..

المهم المرة دي انا اللي دخلت وكلمته وبدات .. قلتله انو انا عايزاه ف حياتي مش ارتباط انا عيزاه صداقة .. قلي انا كنت حسك اوي اوي بس دلوقتي بصراحة انتي ولا حاجة بالنسبالي .. وقتها قلتله انو بجد واحسني اوي وانو عيزه نرجع صحاب تاني .. معرفش انا قلت كدة ليه بس انا كنت مبسوطة اوي اوي وانا بقول الكلام ومش فارقة معايا حاجة وراضية عن نفسي ومش فارقة عندي هيفكر فيا ازاي

المهم طلب نخرج وكدة ... قبلته بس مع واحدة صحبتي كان مجرد دقيقتين وقفنا نتكلم شوية وكان عنده كورس

كلمني كذا مرة بعدها انو ننزل وكدة بس كان عندي ظروف مع ماما وكانت عيزاني وكنت بقوله مش هينفع و كدة .. مش بعرف اهرب من امي ولا اكدب عليها صراحة

كان هو صراحة عطول اللي بيتكلم كان بيكلمني اوقات بليل وكنت بستغربلوا مكنتش بردو عشان ماما

تاني مرة شوفتو بردو مع واحدة صحبتي المرة دي مش عارفه ليه حسيتو فيها متدايق او حد جابره يعمل كدة محستوش مبسوط مش عارفه .. صحبتي بتقولي انت باردة وتنحة ومكنتيش بتردي عليه ولا بتخرجي معاه ومش مسجلة نمرته عشان مرة كلمني يومها قلتله انو الموبالي كان صامت بتقولي محسستهوش انو انتي مبسوطة فعلا ... يومها كان هادي اوي والكلام بالعافية بيتطلع وعطول كان بيوحه كلامه لصحبتي وانا ولا اي حاجة

بعدها كلمته تاني يوم سالتوا اذا كان اتبسط او في حاجة ديقتوا كان بيتكلم ببرود اوي وانو كان مبسوط انو " شافنا " وبعدها مرجعش اتكلم تاني عدا 3 ايام لغاية دلوقتي

بيدخل اونلاين ومش بيعبرني وانا عمري ما هبدا بالكلام

صحابي بيقولولي عادي وانو انتو صحاب المفروض مفيش بينكوا حاجة عيزاه يكلمك ليه

انا تعبانة اوي اوي .. نفسي حد يحس لبا ... انا مش عارفه ازاكر ولا اعمل اي حاجة
نفسي اوصل لقلبوا اد البنت اللي كان بيحبها

نفسي اعرف هو ليه بيعمل معايا كدة وهو بيحبني فعلا ولا لا
انا بدات اكره نفسي .. بقيت بكره انا .. بكره شخصيتي .. بكره شكلي
ياريت حد يقولي اعمل ايه ؟؟
انا بحبه ونفسي يكلمني يقولي اي حاجة اي حاجة

ليس الحب
هو الذي يعذبنا ، ولكن من نحب.


من يحب ..يحب إلى
الأبد

من جن بالحب فهو
عاقل ومن جن بغيره فهو مجنون

قيل لأحدهم: "أن
إبنك عشق". أجاب: أي بأس به ؟ أنه إذا عشق نظف وظرف ولطف.

خير لنا ان نحب
فنخفق من ان لا نحب ابدا.

علامة الحب :ان تقبل
على حبيبك عند اقباله عليك وعند ادباره عنك.

الفتاة التي احبها
ليس لها ماضي , فقد ولدت يوم احببتها


إن المرأة لاتهزا من
الحب ولا تسخر من الوفاء الا اذا خيب رجل آمالها.

المراءة التي تفقد
حبيبها امراءة احبت والمراءة التي تحتفظ بحبيبها امراءة اتقنت فن الحب.

ابلغ الحديث:الصمت
في الحب.

كثيراً ما تنتهي
الصداقة بالحب ولكن لا يمكن للحب


أن ينتهي
بصداقة.


واخيرا
وليس بأأخر لا يمكن ان تكرهى نفسك وذلك لان حبك لنفسك يرشدك الى حب الاخرين
والوصول الى افضل حبيب ويجب عليكى تحكيم العقل واستشارة القلب وليس العكس( بالتوفيق)

محمد هجرس كتب:

ليس الحب
هو الذي يعذبنا ، ولكن من نحب.


من يحب ..يحب إلى
الأبد

من جن بالحب فهو
عاقل ومن جن بغيره فهو مجنون

قيل لأحدهم: "أن
إبنك عشق". أجاب: أي بأس به ؟ أنه إذا عشق نظف وظرف ولطف.

خير لنا ان نحب
فنخفق من ان لا نحب ابدا.

علامة الحب :ان تقبل
على حبيبك عند اقباله عليك وعند ادباره عنك.

الفتاة التي احبها
ليس لها ماضي , فقد ولدت يوم احببتها


إن المرأة لاتهزا من
الحب ولا تسخر من الوفاء الا اذا خيب رجل آمالها.

المراءة التي تفقد
حبيبها امراءة احبت والمراءة التي تحتفظ بحبيبها امراءة اتقنت فن الحب.

ابلغ الحديث:الصمت
في الحب.

كثيراً ما تنتهي
الصداقة بالحب ولكن لا يمكن للحب


أن ينتهي
بصداقة.


واخيرا
وليس بأأخر لا يمكن ان تكرهى نفسك وذلك لان حبك لنفسك يرشدك الى حب الاخرين
والوصول الى افضل حبيب ويجب عليكى تحكيم العقل واستشارة القلب وليس العكس( بالتوفيق)

أستاذ محمد

والله اؤيد نصايحك بجد

وكمان اخر مقطع من كلامك عجبني اوووي

وهايفيدك جداااااا يا داليا

وربناا معاكي يااااااااارب

والف شكر ليك اخي محمد

بجد كلامك مميز جداااااا ولهُ تقدير وإحترام..

حلو الكلام اللي قولتوه ده بس معلش كلو كلام نظري ....
انا مش عارفه الاحساس اقوى مما تتخيلوا صح انو لو بيحب بجد هيجي ... بس انا عندي احساس قوي انو بيحبني معرفش ليه
عندي احساس قوي انو انا السبب ف وصول العلاقة لكدة
انا نفسيتي زي الزفت لا يمكن ان تخطر على بالكم
عمري ما تخيلت نفسي ف الموقف ده
نفسي ارتاح
حاسه انو بيعمل كدة عشان متجرحش تاني زي ما بيقولوا ديما بيبقى خايف من الخسارة زي المرة الاولى
نفسي ارجعوا تاني مش عارفه ازاي لاني عمري ما هحس الاحساس ده ما حد انا عارفه نفسي .. انا صلبة جدا وكلها سنتين واتخرج

ادعولي ان عجزتم