السلام عليكم يا جماعة معلش والله انا لسة يا دوب دخلة المنتدى
الموضوع جميل يا خواطر وعلشان ما طولش عليكم انا هاقول يومى عامل ازاى
اولا انا بصحا الساعة 6 اقوم اتمطع كدة والبس الشبشب بتاعى طبعا دة لو حد جية جنبو يبقى اليوم مش هيعدى دة جنب السرير عطول المهم بعد حمامى المعتاد بغسل وشى واغسل سنانىبالمعجون واتوضا واصبح على ماما واروح اصلى وبعد كدة اطلع هدومى بتاعت الشغل واكوى الطرحة اة الكوى دة مزاج عندى بعدين البس هدومى وافطر مع مامتى حبيبتى والحق الخناقة
اااااااااااااة الخناقة بتاعت المواصلات
اصلى بحس ان اليوم مش طبيعى لو ما تخنقتش او سمعت خناقة فى المواصلات
اركب ويبدء اخوانة الروخمة يشتغلوا دة يزق ودة يدى بالكوع ودة يطيرنا من مكانة وانا طبعا مقدرش اسكت لازم كلمتين ناشفين وحاسب يا سيدى معلش يا استاذة مقصدش
ودة معلش يا بنتى مش شايف
المهم اروح الحق الطابور فى جنة ربنا الاى على الارض
ااااااااااااااااااااة جنة ربنا مدرستى
كل حاجة حلوة فيها ما فيش زعيقق ومرتحين وبنفطر كروسون والمدير بتعامل بزوق وبيتكلم وصوتو مش باين خالص
طبعا اوعوا تصدقوا
انا بهزررررررررررررر
اول ما اروح الاقى الحوش مليان على اخرو طالبة احاول اشوف حد اسلم علية ما فيش
الكل على الطابور طبعا مديرى لازم يصبح عليا
يا ابلة هبة على طابورك والله مش هينفع كدة ضغطى عالى من المدرسة دى واللة ماينفعش
قال يعنى مافيش غيرى فى المدرسة الاى ما رحش على الطابور تلكيك متيم طبعا
ههههههههههه
اروح بسرعة قدام فصلى الاقى اية مشاء الله دى واقفة بتحكى لصحبتها على المسلسل
ودى واقفة ما سكة المرايا وحطاها فى الشنطة
ودى نايمة ولسة ما فقتش
اشخط وازعق يالا يا حبيبتى اتعدلى استمعى للازاعة والتحية وانا اصلا فى وادى تانى
هههههههههههه
تقولش تحية العلم دى هيدونا عليها فلوس اهو خبط وترزيع بالالات الموسيقية وخلاص اومال اية لازم يصحونا
اطلع فصلى فين صحابى كل واحد فى فصلو ادخل اظبط دفترى والوسيلة وكل حاجة الدرس على السبورة وشوية والاقى واحدة بتخبط
ابلة هبة موجهة طالعة
ياااااااااااااااااالهوى
اليوم باين من اولوة
يعنى هيا مثلا محسسانى انى هارفض وقولها بلاش تطلع
ماتطلع هعمل اية يعنى
طبعا بناتى لازم يظبطوا ويصحصحوا
اشخط وازعق يلا انتبهى وابدا اشرح وبظبط نفسى وكل حاجة تمام يا مسهل طب على بال ما تطلع اكون تممت على اللوح دى مهمة اوى اللوح دىوالشغل الادارى بتاعى وشوية
ترن ترن ترن
الجرس بتاع الحصة خلص
اللة راحت فين تكونش بتفطر سندوتشين فول او حاجة او مثلا صعبت عليها فقالت تقيمنى من غير ما تطلعلى
الله اعلم يالا وانا مالى
اروح على حجرة المدرسين اخيرا اشوف اصحابى
يا ساتر اللهم احفظنا
مين؟
المدير وواقف معاة الد اعدائى مدرس عربى برضو تخصص خطف الطلبة للدروس الخصوصية
اخش السلام عليكم
يردو وعليكم السلام بالابلة
اية الموجهة دخلتلك
لا لية هيا فين؟
دى قاعدة عند فلانة ومطلعة عنيها من الصبح
طبعا فلانة دى مدرسة معانا وصحبتى
حظها كدة وقعت معاها
ولازم طبيعى الاقى البت وشها متغير صحبتى يعنى اقولها ختى جزة تقولى ما احنا متعودين
طب لية؟
اصلى اللوح عددهم قليل مش الشرح مثلا او كدة
لا اللوح
شوفتو الموجهين فاضين بقى
والله
احنا بيطلع عنينا فى المدرسة وفى الاخر جزة
انا عن نفسى بخرج اضحك مع الموجهة عادى اصلى اتعوت طالما شرحى عجبها يالا بقى اى حاجة تانية تهون هتتعمل
المهم صحبنا بقى الرخم بتاع الدروس اية يا ابلة هبة عيالك ما بيخدوش دروس لية؟
اسئلهم يا استاذ وانا مالى هو انا ولية امرهم؟
لا بس انتى بتحرضيهم اكيد
والنبى تتوقعوا اية منى فى الرد
اقولوا اة بحرضهم وهروح اشتكيك فى الادارة علشان الدروس دى انا هولعلكوا فى ام المدرسة دى عاوز حاجة تانية
يرد ببرود
لا جزاك الله خيرا يا مس
اسيبو واروح اصلى واقعد اقرء قران واصحابى معايا فى المسجد شوية نتكلم وشوية نهزر وممكن نتفق على خروجة كمان
ترن ترن ترن
طبعا اليوم الدراسى خلص على الساعة 2
بعد 6 حصص مش حصة واحدة لتفتكروا انى اديت حصة واحدة
هههههههههههههههه
اتمشا لغاية المحطة معاهم يالا سلام يا حبايبى علشان اركب
دول اصحابى
انا لسة معاكم
ههههههههههههه
اروح لماما افضل احط ايدى على الجرس لغاية ما تفتح وتضربنى بايداها علشان الجرس وتقولى هيتحرق يا بت ارد عليها واقول:
طيب طيب خلاص
اخش اقلع ملابسى واخد دوش وافضل اناكف فيها
مين اتصل مين جية مين سال عليا
تقولى خالتك اتصلت وبتسلم عليكى
واختك اتكلمت فى النت وحبيبة وعمر ومودى
دول ولاد اختى بسلموا وبيسالوا عليكى
اتغدا والبس تانى
ااااااااااااااة
ما انا هانزل المركز
هناك بدى اعدادى
شوحوطة كدة وحاجة عريضة
بس البس واقول لماما عاوزة حاجة يا قمر؟
ااااااااااة
خلى بالك من نفسك
حااااااااااااضر
وماتروحيش فى حتةبعد المركز تعالى علطول
حااااااااااااضر يا امى انتى كدة هتخنقينى يا ماما
هههههههههههه
طب ينفع اروح بس اشترى حاجات
مش انهاردة
حااااااااااضر
امشى بقى
يالا اتكلى على الله
اااااااااة استنى
هاتى معاكى علبة لبن وربع جبنة رومى و5 جنية فينو
لية يا ماما انتى عملة عزومة
تضحك وتقولى اااااااااة
يالا روحى ارد واقولها
استنى يا ماما
فين الفلوس؟
لما تيجى ابقى احسبك بقى يا هبة
يالا علشان ما تتاخريش
لا الة الا الله
كدة بقى ما قدرش اتكلم
هاقول اية محمد رسول الله
اروح المحاضرة بتاعت المركز اصل اسمها محاضرة لو كبار
لو ابتدائى اسمها حصص
معلومة بلاش كدة
ههههههههههههههه
اشرح واضحك معاهم واسمع لهم وشوف بيفكروا ازاى
احنا اصحاب مش مدرس وتلاميذ
بس اخلص واروح اجيب الحاجة لماما
لو بقى اليوم فية مطش اوعا بقى
اللب والسودانى وبفتحها جبلاية قرود
هههههههههههههه
والشيبسى والشيكولاتة وكدة
وقعد اعمل النسكافية ويبدء المطش وشوية واسخن فى التشجيع
شوط بقى وادعى لهم وادعى على الاى بضربهم ويزقهم وامى معايا واول ما يجى جون العمارة تسمع صوتنا
فرحة بقى وهيصة وامى تضحك وتقولى اقعدى اهى هجمة يالا بقى يالا بقى
دى ماما اصلها مشجعة صميمة طبعا اخويا فى وسطنا يقولى يا فقر اقعدى
يا ماما مش عارف اتفرج فى ام البيت دة
اغيظو واهيص يحدفنى بالمخدات
وهكذا طول المطش
لو مافيش مطش يبقى منتدى الحب والرومنسية
المنتدى بجد جميل وغريب يعنى يشد الاى بيدخلوا
افضل استمتع فية بالقرء والاطلاع لغاية الساعة 9
دة فى الدراسة اقوم احضر الدرس والوسيلة بتوع بكرة واشرب الشاى ابو لبن
الاى مختش حقو من ماما وارغى شوية واخش انام
خوخوخوخخوخوخو
[ندعوك للتسجيل في المنتدى أو التعريف بنفسك لمعاينة هذه الصورة]