زواج مدير منتدي الحب والرومانسية

تعالوا نشوف مدير المنتدي لو حب يتزوج ايه شكل الحوار
كان مدير (منتدي الحب والرومانسية) مرتبط بموعد مع العروس وأهلها ليتقدم إليها

ولكنه لم يشأ إغلاق المنتدى لمدة ساعة هى مدة اللقاء مع الأهل فأخذ اللابتوب معه وشحنه وتابع الردود على الأعضاء وهو فى طريقة للمنزل راكبا التاكـسى

بمجرد وصوله إلى العروس سأل عن أقرب فيشة كهرباء لأن الشحن اوشكـ على الإنتهاء

والد العروس : أهلا يابنى إزيك

المدير (وهو مشغول بلوحة مفاتيح اللابتوب) : أهلا بيك يا عمى أنا يشرفنى إنى أطلب إيد بنتك ..... موافق ولا لأ؟!!!!

تبادل كلا من والد العروس ووالدتها وأخيها نظرات الدهشة

والد العروس ( مستغربا ) : حضرتك بتكلمنى ولا بتكلم حد على الإنترنت

المدير (مازال منشغلا بلوحة المفاتيح) : لا يا عمى أنا بكلمك إنت هو معقولة أتكلم مع حد غيرك وأنا قدام حضرتك!!!

والدة العروس : طب يابنى طالما بتكلمنا بصلنا طيب

المدير (لم يرفع عينه ويديه من على جهازه) : ليه يا حاجة هو أنا هتكلم بعينى

إقترب الولد الصغير(8 سنوات) من العريس مبهورا بالابتوب ( الجهاز المحمول) وهو يقول

الصبى : عمو هو الجهاز دة فيه ألعاب كتير زى الأتارى الى عندى؟.....

العريس (مازال منشغلا بجهازه) : أيوة يا حبيبى وأحلى من الى عندك كمان

الصبى : طيب ممكن ألعب شوية عشان خاطرى يا عمو

هنا فقط رفع العريس عينه من على جهازه لأول مرة وتوقف عن الكتابة وهو يوشوش فى أذن الصبى

العريس : لو خليت أبوك يوافق عليا هلعبك كتير قوي

طار الصبى فرحا وهو يقول
بابا بابا أنا موافق إن عمو يتجوز أختى الكبيرة ......

ثم إلتفت إلى العريس وهو يقول
ألف مبروك يا عمو!

الوالد ( صارخا ) : أمشى ياد خش ذاكر مبقاش إلا إنت يا أبو ريالة الى هتوافق ومتوافقشى

مشى الولد باكيا ولم يهتم به العريس وقد عاد إلى جهازه منشغلا

الوالد : إنت يا حبيبى إنت كمان إنت إيه حكايتك ؟

العريس : حكاية إيه يا عمى أنا معنديش حكايات .....

الوالد (بضجر) : إنت جاى تهزر

لم يعره العريس أى إهتمام وقد ظهر مشغولا بموضوع ما على جهازه فإقتربت الأم من الوالد وتكلمت هامستا

الأم : إلا قولى يا حاج هو الجدع دة بيعمل إيه على البتاع الى معاه دة وإزاى بيكلمنا وهو بيحرك إديه الإثنين على الزراير دى كلها؟

الوالد : والله معرفشى يا تفيدة يظهر والله أعلم إنه بيكتب الكلام الى بيقوله لنا فيطلع من بقه!!!!!!!

الأم : يا ندامتى !!! معقولة دى يا حاج ؟!!

الأب : طبعا يا تفيدة معقولة ماهو إحنا فى عصر التكنولوبيا!!! إنتى مش شفتى إزاى كان ملهوف على أى فيشة كهربا أول ما جيه لأن الشحن بتاع الكلام بتاعه كان هيخلص!

الأم : يا خويا الى يعيش ياما يشوف!!!

على كدة يا حاج لو النور قطع هيبقى أخرس؟!!!!

الأب : ربنا يستر وتيجى على قد الكلام مين عالم إيه الى بيشتغل عنده بالكهربا تانى !!!!!

الأم : طب يا خويا لازم لو وافقت عليه نشترى للبت كرتونة حجارة قلم عشان تبقى عاملة حسابها فى أى وقت!!!

الأب (صارخا) : هو أنا معقولة أوافق على الآلة دى ليه من قلة الرجالة يعنى

العريس : حضرتك بتكلمنى يا عمى

الأب : لأ يا حبيبى أنا بكلم تفيدة

العريس : تفيدة مين ؟

دخلت العروسة فى هذه اللحظة مكـسوفة وهى تنظر إلى الأرض وبيدها أكواب العصير ولكنها لم تلاحظ فيشة الكهرباء فإنقلبت على وجهها أرضا وإنفصلت الفيشة

العريس ( صارخا ) : إيه الى هببتيه دة إنتى إزاى تفصلى الجهاز!!

الأم ( بصوت خافت ) : يا حلاوة أهو بيتكلم من غير كهربا أهو يا حاج

الأب ( بصوت خافت ) : ماهو كان شحن على الآخر يا تفيدة افهمى بقى

ثم إلتفت إلى العريس قائلا

الوالد : إيه يابنى قلة الذوق دى إنت بتصرخ فى عروستك وإنت جاى تتقدملها ؟!! دة بدل ما تساعدها إنها تقوم وتودها بكلمتين بعد ما فيشتك الهباب دى وقعتها

العريس : يعنى أساعدها تقوم ولا ألحق أشغل الجهاز عشان المنتدى ما يتعطلشى؟!!

الأب: دة جيل إيه دةهو جاى لينا منين دة!

العروسة : من النت يا بابا من النت

الأم : الله يقطع النت والى شغالين فى النت ! يا رب تيجى عاصفة تسومانى على النت والى فيه!!!!!

الأب : ممكن بقى يابنى تقفل المخروب دة وتكلمنا شوية

العريس : خلاص يا عمى المساعد بتاعى جه بدالى دلوقتى

إلتفت الجميع حولهم يبحثون عن ذلك المساعد فضحك المدير

العريس ( ضاحكا ) : لأ يا جماعة أنا اقصد إن المساعد بتاعى أخذ مكانى فى الشغل دلوقتي يعنى أنا دلوقتى جاهز لأى إستفسار لمدة ربع ساعة

الأب: لا حول ولا قوة إلا بالله طيب يابنى طالما مش فاضى ليه حددت المعاد دةمش كنت تحدد معاد تكون فاضى فيه

العريس : يا عمى خير البر عاجله

الأب : طيب إحنا لسة متعرفناش بإسمك ولا شغلتك ولا سنك ولا شهادتك ولا أى حاجة خالص!

العريس
admin : أنا اسمى
دة الإسم المستعار

قامت الأم تحوم حول العريس وتنظر إلى يديه تبحث عن شىء ما ثم مسكت يده فجأة وهى تقول

الأم :ممكن تشمر إيدك يا عريس الهنا‍

العريس (وهو يشمر ): ليه ياحاجة إنتى هطعمينى!!! أنا إطعمت قبل ما آجى عندكوا

الأب: ليه قالولك إننا عندنا كوليرا !!!

العريس : لأ يا عمى أصل أنا قاعد ليل نهار فى غرفتى المكيفة الصحية فلما بروح أى داهية تانية لازم أطعّم

الأب ( بصوت منخفض ) : داهية لما تخدك يا شيخ

صرخت الأم : يابنى فهمنى إيه
( admin)
هى دى نوع ريحة ؟؟!!

ضحكت العروسة وهى تقول: لا يا ماما دة النـك نيم بتاعه

الأم : ال إيه يا ضنايا؟‍!

العروسه : الاسم المستعار يعنى يا ماما .

العريس : خلاص يا جماعة أنا إسمى.......وعندى ......... سنة

معايا شهادات كتيرة لو قلتها لكم كلها يبقى هنقعد يومين فبلاش أحسن
وشغلتى مدير عام على منتدى الحب والرومانسية

نظر الأب إلى العريس وملابسه البسيطة غير المتناسقة وهو يقول

سيماهم على وجوههم !!!

العروسة ( مبتسمة ) : بجد إنت المدير بتاع الحب والرومانسية دة أنا مشتركة فيه من 5 شهور

العريس : ما شاء الله بس إنتى ملتزمة بقوانين المنتدى!!

العروسة :طبعا
الأب : ومين قالك إنى وافقت عليك أصلا

العروسة : ومتوافقشى ليه يا بابا دة حتى المدير أكيد هيخلينى مميزة فى المنتدى ... مش كدة برضه يا مدير ؟؟

العريس : طبعا وهعينك معانا من المشرفين على قسم لوحدك

العروسة ( بسعادة ) : بجد هتعينى مشرفة على قسم لوحدى

العريس : طبعا
العروسة ( صارخة ) : لا أرجوك كله إلا الشكاوى

الأب: يا ترى خلصتوا ولا لسة ؟؟

نظر العريس فى ساعته وهو يقول: أنا فعلا وقتى قرب ينتهى لأن المساعد بتاعى عنده ميعاد مهم ولازم أدخل مكانه

الأب: أنا مش موافق على الجوازة دى

العروسة : ليه يا بابا دة أنا

قاطعها الأب صارخا : اخرصى يا بت إنتى وروحى ذاكرى لأخوكى

خرجت العروسة باكية غاضبة بينما إلتفت الأب إلى العريس قائلا

شوف يابنى لما تبقى تفضى للجواز إبقى تعالى إتجوز بنتى لكن طول ما إنت فىالمنتدي ده مالكشى عرايس عندى
فاهمنى

العريس : خلاص يا عمى براحتك بس إذا كان منتدى الحب والرومانسية هو الى مزعلك أنا ممكن أسيبه

الأب ( فرحا ) : بجد يابنى طيب سيبه هو فعلا الى مزعلنى لو سيبته أنا هسيبلك بنتى بدون أى كلام ... !!

شكره العريس ثم جاء إليه فى اليوم التالى ومعه نفس اللابتوب وهو يقول

أنا مش قادر اسيب منتدى الحب والرومانسية ....

سقط الأب على الأرض ميتا وصرخت الأم وبكت العروسة وأخيها الصغير

بينما جلس العريس فى غرفة الصالون يتابع منتداه
وهو ده اخرة النت

ههههههههههههههه

جااااااااااااااااااااامدة ياباشا

الله يعين حماك وحماتك

ههههههههههههههه

ههههههههههههههههه
ياسلااااااااااااااام
مبروك يامديرنا
كان نفسي الجوازة تكمل
بس يلا خيرها في غيرها
ههههههههههههههههههههههههههه

هههههههههههههههه
حلوة
عايزين أكثر
تقبل مروري
شكرا

هههههههههههههههه
الله يعينك بالزواجة دي ويعين الي بتتزوجك
ههههههههههههههههههه
وتقبل غلاتي ومروري

ههههههههههههههههههههههه
والعروسه كان موقفها ايه فى الوقت ده كان مفروض تقتلك والله

ههههههه

هذا هو الت وجوزات النت

شكرا لك وعلى خفة دمك

مبروك بيشو
بالاخر ما صار الا اللي بكيفك

بس مساكين حماك وحماتك

هههههههههههههههه
حلوه ادمن خلص ولا يهمك رح ندورلك على عروس اهلها ما يسألوك اي شي ويعطلوك عنا وعن المنتدى

هههههههههههههههههههههههه
زى العسل والله يا بيشو بس تعرف لو ليا عريس كدة كنت ضربتو بالاب توب بتاعو
ههههههههههههههههههههههه
انا اول مرة اضحك بصوت مرتفع من الاى بقرءوا
تحياتى يا ادمن يا ابو دم خفيف

ههههههههههههههههههههه

مشكور بيشو

ياخسارة كان نفسنا الجوازة تتم

ربنا يكون فى عون حماك وحماتك ...وعروستك برده ..

هههههههههههههههه

روعه

تسلم يالغالى

تقبل مرورى

ههههههههههه......خيرها فى غيرها يامديرنا العزيز

هههههههههه

بجد ابداااااع

الحديث رغم انوا طويل ولكن كتير حلو

أبشر مديرنا
مستقبل باهر ان شاء الله
ههههه

تحيتي

هههههههههههه جميله جدا بس انصحك ياريت تدور علي وحده مش بتحب النت لاني كده انتو مش هتعرفو تربو العيال ولا ايه

» حصريا علي منتدي الحب والرومانسية
» قانون منتدي الحب والرومانسية
» المتميزين علي منتدي الحب والرومانسية
» تم تشغيل شات منتدي الحب والرومانسية
» تجديدات منتدي الحب والرومانسية