ياريتني ما عملت كده

السلام عليكم ورحمة الله و بركاته
إزيكم يا شباب و يا بنات المنتدى عاملين ايه ؟ يارب تكونوا بخير [ندعوك للتسجيل في المنتدى أو التعريف بنفسك لمعاينة هذه الصورة]
بصراحة يا جماعة فى موضوع بقاله فترة شاغلني اووى و مش عارف الاقيله حل خالص ..
انا هاتكلم عن
معاملة الوالدين للآبنائهم
[ندعوك للتسجيل في المنتدى أو التعريف بنفسك لمعاينة هذه الصورة]
طبعاً كلنا عارفين يعنى ايه أب و يعنى ايه أم و يعنى ايه أولاد و يعنى ايه مسئولية و تحمل الظروف و الضغوطات .
كلنا ساعات بنلاحظ ان ف اغلب العائلات ان دايماً بنلاقى الأب صعب جداً فى التعامل مع أولادة و ساعات بتبقى الأم مش الأب .
هل
يا جماعه المعاملة الجافة اللي دايماً بتبقى معتمدة علي العنف و الارهاب و
التهديد و الرعب سواء كان من الأب أو من الأم ، المعاملة دي بتبقى ايه
نتائجها ؟
هل سلبية ؟ ام إيجابية ؟
بجد نفسى الاقى جواب للسؤال دا ، لآن فى ناس كتير اووى بتقول إيجابيه و ناس تانيه برضه بتقول سلبية .
هل التربية اللى بتبقى معتمدة ع العنف و الارهاب و الخوف بتبقى زي التربية اللى بتبقى مبنية ع التفاهم و الاحترام و الصدق و الأدب ؟
طبعاً كلنا عارفين ان العنف بؤدي إلي :-
1- الكدب .
2- فقدان الانسان ثقته بنفسه .
3- الكراهيه وعدم إحترام الآخريين .
4- الضعف وفقدان الجرأة .
5- الإجرام او فعل اشياء خاطئه و البعد كل البعد عن الدين و عن ربنا .
طبعاً دي بعض الحاجات اللي العنف بيؤدي إليها .
-------------------
تعالوا بقى للمعامله الحسنة السليمة الطيبة :-
1- الصدق و الأمانة .
2- الثقة فى النفس .
3- الأحترام و عدم التطاول ع الغير باى شكل من الاشكال .
4- التقرب الدائم من ربنا ، والاهتمام بتعاليم الدين .
5- الجرأة و عدم الخوف .
دي بعص الحاجات اللي بتؤدي إليها المعاملة الحسنة السليمة .
--------------------
فيها
ايه يا ناس لما كل أب او كل أم يعاملوا اولادهم بالحُسنى و يخافوا عليهم و
يربوهم تربية سليمة خالية تماماً من العنف و الارهاب و الخوف و الرعب ..
إلخ
فيها ايه لما
تصاحب ابنك من صغره فيها ايه لما تعمله حساب فأى مكان حتي لو كان أبنك
صغير ، علٌي من شأن اولادك دائماً ولا تقلل من شأنهم مهما حصل .
انا عاوز كل
أب و كل أم كانوا بيعاملوا اولادهم معاملة مش كويسه او معامله مش سليمة ،
يحاولوا يجربوا معاهم المعامله الحسنة الطيبة وشوفوا بنفسكم و لاحظوا
الفرق شوفوا اولادكم بقوا عاملين ازاي ؟ هل اتغيروا ولا لسه زى ماهما ؟
و
الله يا جماعة العنف و المعاملة السيئة حاجه مش حلوة خالص و عمرها ماكانت
عامل اساسي فى التربية ، و الله كل دا بينقلب عليكم انتوا و انتوا كده
بتضروا اولادكم مش بتربوهم لما انت تبقى عامل لآبنك رعب و مخوفه منك ، هل
لما تيجي تسأله فأي حاجه و ابنك عارف ان الاجابه هاتضايقك و ممكن تضربه ،
هل الولد هايجاوبك بصدق و بصراحه ولا هايكدب عليك علشان مش تضربه ؟ طبعاً
لازم يكدب و اللي بيكبر و اتعود علي حاجه عمره ما بيعرف يغيرها و لما يكبر
عمره ما هايدعيلك دا بالعكس دا هايدعي عليك هايقول منك لله يابا انت اللي
عملت فيها كده انت اللى وصلتني لكل دا كل اللي انا فيه دا بسبب معاملتك
ليا .
و
الله يا جماعه انا لو قعدت من هنا لبكره اكتب مش هاقدر اوصفلكم حال
الاولاد اللي بيبقوا من النوعية اللي بتتربي ع العنف و الارهاب والخوف .
بجد حاجه وحشه اووى . [ندعوك للتسجيل في المنتدى أو التعريف بنفسك لمعاينة هذه الصورة]

متأسف جداً ع الإطالة .. و مستنى تعليقاتكم ع الموضوع ..

تسلم صديقي سيد على هالموضوع الرائع والقيم
انت فعلاً رائع سيد وموضوعك جداً رائع
انا معك صديقي العزيز في كل ما كتبت
فعلاً الابناء اللي بيتربو على التفاهم والمعامله الحلوة من الاباء والامهام
هم افضل بكثير من الابناء اللي بيتربو على العنف والمعاملة الوحشه بكثير
هذه وجهة نظري صديقي
تقبل جل احترامي وتقديري

بصراحة موضوع رائع بل ومميز
ونظرة توضيحية لاخطاء يقع بها جميع الاهالي
مشكور جدا
ويارب الكل يستفيد
واخر شي حابة احكي
حط حالك مكان الطفل بتقبل حد يعمل فيك متل ما بتعمل في ولو من باب التأديب

مشكور سيد

تسلموا علي مروركم وتفاعلكم

تقبلوا تحياتي

شكرا كتيييير سيد فعلا موضوع رائع فعلا يجب الا يربى الاب والام ابنائهم على العنف والا ممكن يحدث لهم اكتئاب بسهولة

موضوع جميل والله
وانا معاكى فى ان العنف ده بيسيب اثار نفسية وسلوكية سلبية على الطفل
واكيد بتفضل ملازماه بعد كده
كفاية انه بيقتل ثقته بنفسه والخوف بيتملك منه
وماقولكيش بقى على الخوف لما يتملك من حد !!!
يعنى الطفل وبكل البراءة اللى فيه يتعرض للعنف ومن مين؟؟
من الشخص نفسه اللى المفروض يخده فى حضنه ويحسسه بالامان ويحميه
وبجد فيه فرق كبير اوى بين الطفل اللى بيحترم ابوه علشان خايف منه
وبين انه يحترمه علشان بيحبه وهو فعلا مثله الاعلى
وياريت دايماا يبقى فيه كده لغة للتواصل ومساحة للتفاهم وحاله من الحوار
لازم الناس تعرف ان الاطفال هم استثمارهم الحقيقى فى الدنيا
وبجد
اللى عايز ابنه يطلع راجل بجد يتحمل ويشيل المسئولية
لازم يحترمه ويتعامل معاه من صغره على انه راجل
انا ضد العنف مش العقاب لا دايما لازم يكون فى عقاب على الاخطاء
شكرا سيد على موضوعك الجميل

الموضوع دة مهم جدا بجد

ولو جينا بصينا للموضوع من النحيتين

هنلاقي ان في ناس اتربت بطريقة العنف وطلعت ناجحة جدا

وناس العكس فشلت جدا وحالتهم بقت وحشة جدا سواء نفسيا او حياتيا حتى

وناس اتربت بطريقة الصدق واللين وكانت نفس النتيجة برضو

انا بشوف ان المعاملة لازم تكون مزيج من الاتنين

بس مش بنسبة متساوية

يعني يكون الغالب هو الطريقة التانية

وهي اننا نعامل اولادنا كأنهم صحابنا

والنسبة الصغيرة لجانب العنف او خلينا نقول الشدة مش العنف

انك تاخد موقف حازم لو الموقف اضطر لكده

عشان يتعلم منه ويكون من طرف واحد يا الأم يا الأب

آسفة على الإطالة

شكرا علي مروركم الغالي

تقبلوا تحياتي

» بمانسبة عيد الاضحي شوفو فؤدافون عملت اجمد عرض
» انتبهوا لعبارة ( عملت اللي علي والباقي على الله )
» تحميل اغنيه محمد عبد المنعم عملت الي عليا