مسا الشعور اللي ضوى واعترانـي

مسا الشعور اللي ضوى واعترانـي
ولاّ الغـــــــيـاب ولهفتـي لا وصلـتـك

ولاّ الولـه ولاّ الشـــــعـر و الاغانـي
ولاّ الحنين وضيقتـي ..لا ذكـــــرتـك

في مسرح عيونك تضـج الامـــــانـي
تعبت انادي و(يصفع) الصوت صمتك

أفز .. وارجع.. واتـــحســـس مكانـي
والقاك حلمٍ فـي عيونـي رســــمتـك

جيتك سحابـة شعـــــــــر تلهـم بنانـي
جيت وعلى خد الصحايـــف مطرتـك

ازرع حروفي في رياضـك مــــعانـي
بيني ..وبينك .؟ تنتشي لا عزفـــتـك

جيتك وهذا الشـوق راســــــم حنانـي
لوحة مشاعر في ضلوعـي نــقشتـك

تعال واسمـع وش تقـول الـــثوانـي
ياماانتظرتك..وانتظرتـك ..وشــفتـك

واقف وانا اسال حظي اللي عصاني
وشلون ؟ تضوي دنيتـي لا فـقدتـك

ارجع و رجّع فرحي اللـي نسانـي
وشف كمّ ( ياليت) بْقصيدي كتبتـك

سؤال ثاير تحت صمـت المحانـي
بالله قلـي ياحبيـبـي؟؟ وحــــشـتـك

تضيـق بغيابـك صـدور الــــموانـي
ياما على مرسـى الليالـي سهرتـك

جيتك وبيـدي ورد يـا مـا بكــــانـي
ودايم يواسي دمعتـي لـو ذكرتـك

بحر الرجاوي فوق شطّـك رمانـي
مد الكفوف وصب فيني..(عشقتـك)

خذني حنين ولهفـة انسـان عانـي
خذني زمن يرقد على حِجْـر وقتـك

خذني ترى يا مـا غرامـك خذانـي
ويا ما على جـذع الليالـي حفرتـك

جيتك وما ادري كني انسـان ثانـي
طال الفراق و كـن تـوي عرفــتـك

جيتك وانا ما جيت ؟؟ واقف مكانـي
طيفك حضني واحسب اني وصلتـك

دايما اخوي ابو غروب شعرك ممتاز وراقي

صح لسانك

دايما ممتاز ومتميز اخي
وفعلا كلماتك روعه بالمره
يسلم ايدك
تقبل مروري