بحبك يامصر بحبك

[ندعوك للتسجيل في المنتدى أو التعريف بنفسك لمعاينة هذه الصورة]بَحِبِّكْ يامصرْ[ندعوك للتسجيل في المنتدى أو التعريف بنفسك لمعاينة هذه الصورة]

بَحِبِّكْ يا مصرْ ..

وبعشقْ ترابكْ .

وألِفْ المداينْ ..

وأرْجعْ لبابِكْ .

وأحِسْ بكيانى ..

وكرامتى فْ رحابِكْ .

يقولوا فقيره ..

يقولوا أسيره ..

بشوفِكْ أميره ..

وأحبِّكْ يا مصرْ .

بحبِّكْ ملايه .. ومنديلْ بِقُويا .

مقالبْ من أختى .. وغتَاته مْنْ أخويا .

ودعوه مِنْ أمى .. تنسينى همِّى ..

وحِكْمَه مْنْ أبويا.

وأحبِّكْ صبيِّه .. على البحرْ جايَّه ..

فى ساعةْ عصَارى .

ونسمه قُبَالْها .. تطيَّرْ فى شالْها ..

تبَيِّنْ جمالها .. وتِرجعْ تدارى .

وأحبِّكْ مراكبْ .. تعدِّى إللِّى راكبْ ..

لبرْ الأمانْ .

يدوبْ جوَّا نيلكْ .. ويعطشْ يجيلكْ ..

يقوللِّكْ كمانْ .

وأقابلِكْ ببُوسه .. فى زفِّةْ عروسه ..

ولَمَّه فى بيتنا ..

مع ولادْ حارتْنا ..

تدُقْ المزاهرْ .. ترُدْ المزامرْ ..

تزَغْردْ جارتْنا .

نهلِّلْ .. نغنى ..

وحلمْ التمنِّى ..

ينورْ ليليتنا .

وأحبِّك زياره لبيتْ عمْ سيدْ ..

ده أصله فقير مِشْ حيقْدرْ يعَيِّدْ ..

نعَيِّدْ عليه .. نفرَّحْ عنِيهْ ..

ويدعيلْنا دعوه بمليونْ جنيه .

فى أرضِكْ يحِسْ الغريبْ إنُّه مصرى ..

وإحنا الأجانبْ .

ويلْقَى الرعايهْ .. ويلْقَى الحمايهْ ..

على كلْ جانبْ .

ويمشى ف ربوعِكْ .. ويشبعْ بجوعِكْ ..

ويعملْ مصايبْ .

ويرحلْ وينسى .. جِميلِكْ ويقْسَى ..

ويطْلَعْ يعايبْ .

ويرْجعْ تسامْحى .. يا ساكنه فْ ملامحى ..

يا سِتْ الحبايبْ .

ولادِكْ بَنُوكى .. بروحْهُمْ فَدُوكى ..

ويِشْهدْ عليهمْ ترابكْ فى سينا .

ومنهُمْ با عوكى .. عشانْ الشِيروكِى ..

وفيللَّا فْ مارينا .

يعيشوا فى خيرِكْ .. ويدُّوهْ لغيركْ ..

ولادْ اللَّذِينا .

ولوْ جارْ زمانْهمْ .. يعودُوا لْمكانهمْ ..

يلاقوا السَكينَهْ .

وتِنْسِى جحودْهمْ .. وتبكى عليهمْ ..

عنيكى الحزينهْ .

فى أرضكْ سرَحْتْ .. فشَلْتْ ونَجَحْتْ ..

وعشْتْ بْبساطَهْ .

صاحِبتْ الحمَامْ .. ونِمْتْ فْ سلامْ ..

ولوَْ عَ البلاطهْ .

تِغَيَّرْ فى شَكلى ..همومى ومشَاكْلى ..

لكِنْ روحى لأْ .

أعَبَّرْ بغنْوهْ .. وأقولْ نُكتهْ حلوهْ ..

لكِنْ يأسْ لأْ .

ما طيقْشْ الغَتاتهْ ..

وقلبى المسالمْ ما يعرفْ شّماتهْ ..

وأقولْ بالتلاتهْ ..

[ندعوك للتسجيل في المنتدى أو التعريف بنفسك لمعاينة هذه الصورة]بحبِّكْ .. بحبِّكْ .. بحبِّكْ .. يا مصرْ[ندعوك للتسجيل في المنتدى أو التعريف بنفسك لمعاينة هذه الصورة]

نعم اخى الفاضل انها مصر

مصر التى ذكرت فى القرآن وقال عنهاعز وجل :ادخلوا مصر ان شاء الله امنين
مصر التى ذكرت فى سور عديدة من القرآن الكريم فى سورة البقرة (61) وسورة يوسف (21و55و99) وسورةالقصص (6و 20 ) وسورة الزخرف (51)

مصر التى قال عنها سيد المرسلين وخاتم النبيين محمد[ندعوك للتسجيل في المنتدى أو التعريف بنفسك لمعاينة هذه الصورة] :اذا فتح الله عليكم مصر فاتخذوا بها جندا كثيفا فذلك الجند خير اجناد الارض قال له سيدنا ابو بكر لم يارسول الله ؟ قال [ندعوك للتسجيل في المنتدى أو التعريف بنفسك لمعاينة هذه الصورة] لانهم وازواجهم فى رباط الى يوم القيامة صدقت ياحبيبى محمد [ندعوك للتسجيل في المنتدى أو التعريف بنفسك لمعاينة هذه الصورة]

من مصر تزوج ابراهيم الخليل السيدة هاجر ام اسماعيل وتزوج سيدنا يوسف من زليخا ومنها اهدى المقوقس الرسول [ندعوك للتسجيل في المنتدى أو التعريف بنفسك لمعاينة هذه الصورة] ماريه القبطية فتزوجها وانجب منها ابراهيم

مصر التى عاش على ارضها الانبياء
ابراهيم واسماعيل وادريس ويعقوب ويوسف وولد بها موسى وهارون وكان بها اسية
امرأة فرعون وام اسحاق والسيدة مريم ابنة عمران

مصر التى قال عنها الحبيب [ندعوك للتسجيل في المنتدى أو التعريف بنفسك لمعاينة هذه الصورة] ايضا :ستفتحون ارضا يذكر فيها القيراط فاستوصوا بأهلها خيرا فان لهم ذمة ورحما عليك الصلاة وازكى السلام

مصر التى قال عنها الشاعر حافظ ابراهيم فى قصيدته (مصر تتحدث عن نفسها )

انا تاج العلا فى مفرق الشرق ودراته فرائد عقدى
ان مجدى فى الاوليات عريق من له مثل اولياتى ومجدى
انا ان قدر الاله مماتى لا ترى الشرق يرفع الراس بعدى

مصر التى قال عنها الشاعر فاروق جويدة :

حملناك يامصر بين الحنايا والضلوع وفوق الجبين
عشقناك صدرا رعانا بدفءوان طال فينا زمان الحنين
فيا مصر صبرا على مارأيت
جفاء الرفاق لشعب امين
سيبقى نشيدك رغم الجراح يضئ الطريق على الحائرين
سيبقى عبيرك بيت الغريب وسيف الضعيف وحلم الحزين
سيبقى شبابك رغم الليالى ضياء يشع على العالمين

والأقوال كثيرة كثيرة فى حب مصر
مصر يا امة ياسفينة مهما كان البحر عاتى
فلاحينك ملاحينك يزعقوا للريح تواتى

ده انتى بلاد طيبة وقريبة وحبيبة
ده انتى امل وحياة
وقت الخطر امى وبتحملى همى
حضنك دفا وامان
مصر ياأرض محفوظ وزويل ويعقوب مصر يابلد الازهر والحسين مصر يابلد المآذن والمساجد مصر ياأم الرجال يابلد الرجال
ترابك زعفران نيلك يروى الظمآن حضارتك قبل الدنيا ماتقوم اسمك مصر اسمك ارض الكنانة
مهما قلت يابلدى لن اوفيك حقك واعلو يامصر واعلو فالشجر المثمر فقط هو مايقذف بالحجارة

[ندعوك للتسجيل في المنتدى أو التعريف بنفسك لمعاينة هذه الصورة]

شكرا لك اخى واسفه لتدخلى ولكن حبيت ادون كلامتى فىهذه البلد العظيمه
تقبل مرورى

كلامات جميله في معشوقتنا جميعا

نورتي الموضوع بهذه التكمله الرائعه

تقبلي تحياتي واحترامي

» من روائع فاروق جويده.."وتبقين يامصر فوق الصغائر"..
» بحبك وحشتيني
» ***بحبك***
» بتسأليني ليه بحبك
» بحبك .... بحبك ..... بحبك.....