انتى قمر حياتى
انتى قمر حياتى
شعرك ليل جميل هادى
وعيونك قمر تنور الليالى
ورموشك لوترمش
قلبى يرفرف من السعادة
وعطرك عنبر فل وياسمين
والهوا منك يهفهف بزيادة
وخصرك لما يتمايل بيخطف روحى
والرمان اللى على الخد السايل هو السبب لنوحى
ولو فين تروحى انا وراكى
قلبى وعينيا عايشين بهواكى
شفايفك لو تنطق قلبى كدا يغرق منى
فى بحور عشقك
واسكر من حمرة خدك
وخدودك تفحتين متفتحتين
كلك مالية القلب والعين
وبلمسة ايد من ايدك تصبح الديناوتمسى عيد على عيدك
والله يعيد احساسى بلمسه والهمسه من قلبك بحسها
انا قلبك
يعنى كلك على بعضك جننتينى وشغلتينى وخلتينى
فى العشق هايم وعايم ونفسى حالى يصبح دايم
خلتينى احس بكل حاجه فى حياتى حلوة
واحس الدنيا وكأنها أجمل غنوة
دبت فى هواكى دوب والله يرحم القلوب
دا أنتى لو مرة تدوبى هتعرفى ان المطلوب
نظرة واحدة أو كلمه أو ابتسامه هتخلى الحياة حلوه
ولا يهمك خوف ولا ملامه
مقدرش اعيش من غيرك
ازاى ادور على الهنا مع حد غيرك
ازاى اعيش ومصيرىمش مصيرك
ازاى الطير يفضل طاير من غير مكان يحط فيه عشه وازاى النبات ممكن يطرح من غير ميه ترويه او السما تحن عليه
وازاى السفينه تفضل كدا عايمه من غير بر ترسى عليه
انتى الحضن الدافى اللى برتاح فيه
انتى كلمة حياتى الجميلة
انتى حبيبتى اللى انا حبتها واخترتها
انتى اللى قلبى نطق اسمها فى ساعة جنون
انتى ضلى وراحتى
وغنوتى وسعادتى
انتى فرحتى وضحكتى
انتى فرحة قلبى
انتى عشانك انا اضحى بروحى
علشان انتى دوا روحى
ومن غيرك ما فيش حياة
انتى لقلبى السعادة الابديه
يا سر العمر كله
يا سر الحياة
ياحبيبتى
بحبك
بحبك
لاخر العمر بحبك
بحبك