اليوم ياتني فكره وانا قاعده فسألت عمري ليش ما انزل بعض الصور اللي ألتقطتها من سوريا..وبسرد الرحله على شكل قصه وأتمنى تعجبكم..
طبعاً نحن سايرين 6 سيارات كل واحد شايل عايلته وطالعين مع بعض ..بالبدايه مرينا على حدود السعوديه وطلعنا على الأردن ولما عدينا المركز كنا يوعانين فوقفنا عشان نأكل وكان الوقت تقريباً بدايه العصر فشفت شي غريب عند المطاعم طلعت امشي شوي عشان التقط الصور كنت مستغربه ليش يذبحون الذبايح على الشوارع عجبني المنظر فصورته
[ندعوك للتسجيل في المنتدى أو التعريف بنفسك لمعاينة هذه الصورة]عقبها تمشينا في الأردن بس للأسف الصور اللي ألتقطها ما أقدر أعرضها لأن الأهل فيها ..
طلعنا طبعاً من الأردن ودخلنا سوريا بالليل الساعه 2 .. رقدنا بعد ما تعشينا وقمنا الصبح رحنا بلودان وبصراحه كان الجو حلو فركبنا القطار ودخلنا مغارة موسى وبترككم مع الصور في المغاره
[ندعوك للتسجيل في المنتدى أو التعريف بنفسك لمعاينة هذه الصورة]ثم توجهنا الى الملاهي ولعبنا وصورنا بس إسمحولي لأن مافي ولا صوره للطبيعه وللأجواء كل الصور كانت للأهل.. عقبها رحنا أنا وبنات عمتي عشان نشرب أي شي فطلبت كابتشينو ولما خلصت عجبتني صورة الكوب فصورته
[ندعوك للتسجيل في المنتدى أو التعريف بنفسك لمعاينة هذه الصورة]طبعاً طلعنا من بلودان بوقت متأخر من الليل ورجعنا الزبداني..
من الصبح طلعنا على حلب وتمشينها بس ما ألتقط صور لأني تفأجأت أن البطاريات مفضيه لن أنا نسيت أشرجهم ..وبكل تأكيد أستانسنا ورجعنا.. عقبها طلعنا الظهر دمشق لأن رجعنا من حلب تعبانين وراحت علينا نومه فكلنا من بنات وشباب ومحد رضى يقوم .. المهم كانت أسواق دمشق حلوه وبخليكم مع الصور
[ندعوك للتسجيل في المنتدى أو التعريف بنفسك لمعاينة هذه الصورة]هذا الرياّل كان يقول : إذا بدك مشروب الهنا تعال لعندي أنا .. تشربه الختياره وترجع صبيه تقريباً نفس هالجمله بس صج ضحكت أنا وبنات عمتي
[ندعوك للتسجيل في المنتدى أو التعريف بنفسك لمعاينة هذه الصورة]مشينا وايد وتعبت من المشي وكنت لابسه كعب وبنات عمتي يضحكن عليا وعقب وقفت عند محل أحذيه وأشتريت صندل واطي لأن المشكله إني تاركه كل الجواتي بالسكن وطالعه بالكعب ..وعشان ما أطول عليكم رجعنا الزبداني وطلعنا مره ثانيه بالليل وقعدنا في الحديقه نتعشى وكذلك زرنا مقام هابيل
[ندعوك للتسجيل في المنتدى أو التعريف بنفسك لمعاينة هذه الصورة]سأترككم مع بعض الصور التي ألتقطها في منطقة الزبداني والمناطق الخرى
[ندعوك للتسجيل في المنتدى أو التعريف بنفسك لمعاينة هذه الصورة] ترقبوا الجزء الثاني