على كثر السنين اللي عرفتك ماعرفتك زين
تمنيت اني ماشفتك ولا لحظه ولا شويه
حسبت انتا وانا نبقى حبايب نبقى احلى اثنين
حسبتك تبقى لي طول العمر مخلص وفي ليا
واثاري حبنا كذبه نسيت العشره في يومين
زرعت الشوك انا بنفسي غرست الهم بيديا
أنا ماكنت اظن اللي يحب يحب له شخصين
على بالي انا لحالي حبيبي يموت بس فيا
على النيه مشيت ولا عرفت امشي معاه لوين
الين الوقت بين لي نوايا غدر مخفيه
تعال وشوف وش كثر الدموع اللي تخون العين
كثر ماخانني حظي وعرفتك وانت مو ليا
انا شاللي يصبرني على همي معك للحين
خلاص ابعد وانا ببعد ولآتسأل ابد فيا
واذا قصدك تبيع وتشتري قلبي انا بحرفين
ابمحي الحب من قلبي واعيشك ذكرى منسيه
اناني مثل ما انت ولا يفرق معاك البين
وانا ماعاد تعنيني خساره فيك ماضيه
موضوع: على كثر السنين اللي عرفتك ماعرفتك زين 
الثلاثاء 12 مايو 2009, 12:28 am
