يقول اللي جرح قلبه حبيبه

يقول اللي جرح قلبه حبيبه
وجرب لوعه الحب ولهيبه
الا ياويل منهو عاش مثلي
صويب القلب والحاله تعيبه
سنين اطوال راحت من حياتي
وانا محتار وجروحي عطيبه
اسير بشوق خلٍ مارحمني
ياليت اللي سطا بقلبي يصيبه
تركني وشمت العذال فيني
عنيد الراي مايرحم صويبه
يقولون اترك الزين وغرامه
حبيبٍ خان ودك وش تبي به
واقول المختفي محدٍ درابه
عسى من لامني به يبتلي به
انا مدري علامه مايبيني
صحيح الزين عادته غريبه
قبل سنتين يتمنى وصالي
يبي قربي وحبي ويهتني به
واشوف اليوم انا اتمنى وصاله
سمع صوتي وعيا لا يجيبه
انا لا قلت تكفى شوف حالي
ابي كلمه تهون لي المصيبه
يردد كلمته ويزيد ناري
(انا مابي غرامك ماهي غصيبه)
انا وش حيلتي بللي ظلمني
وظلم قلبي وهو من اول حبيبه
على فرقاه رددت الغناوي
ابي يسمع قصيدي ويعتني به
ولكنه رفض يسمع كلامي
وانا الدمعات لعيوني قريبه
انا وش فادني ترديد شعري
مدام الحظ قصر لا يجيبه
مسحت بدمعي ما خطت ايدي
بعد ماكانت ابياتي عجيبه
وضاع الشعر ويا الحب مني
وبقا مبداي الاول ينتهي به
واقول اني نسيت الهم لكن
يقول اللي جرح قلبه حبيبه

الله ..
كلماتك لها روعتها و انينها ..

صح لسانك وتسلم اديك عليها اخوي ابو غروب
يقول اللي جرح قلبه حبيبه Dbb00bbcd8

مشكور علي مروركم

» جاوبووني بسرعه مع مين بتكمل حياتك مع اللي حبك والا مع اللي حبيتو
» أحسد اللي يشوفونك وأحسد اللي قعد وياك .....
» وكيف للقلب ان ينسي حبيبه
» اهداء لمن فقد شخص عزيز على قلبه.................؟
» ادخلت السعآدة في قلبه