أجمل أشعار الثورة .. يا مصر هانت وبانت

يا مصر هانت وبانت كلها كام يوم
نهارنا نادي ونهار الندل مش باين
الدولة مفضلش منها إلا حبة شــوم
لو مش مصدق تعال عالميدان عاين
ياناس مفيش حاكم إلا من خيال محكوم
واللـي هيقعـد فـي بيته بعـدهـا خـاين
اللـي هيعـقــد كـأنـه ســــلـم التـانيـن
للأمن باديه وقاله هما ســاكنين فين
وصلت لضرب الرصاص عالخلق في الميادين
حتى الجثث حجزوها اكمنهم خـايفين
يامصر أصبحنا أحياء وميتين مساجين
واللي هيقعد في بيته يبقى مش مفهوم
واللي هينـزل إلهـي حارســه وصـاين
يا مصـر هانـت وبانـت كلهـا كـام يـوم
نهـارنا نادي ونهـار النـدل مــش باين
نهـارنـا نـادي وبـأيدينــا علـى فكــــــره
الصبح عنده فضول راح نعمل إية بكره
إيـده على الباب وخايف يلمــس الأكره
ادخـل يا أســـتاذ براحـتك والبلـد حــره
إحـنا زهقنا نشــوف الصـبح مـن بــره
ادخــل وخــرج بقـايـا العتمــه بـالمـره
الناس ديه حره وجنود الأمن مضطره
ياصبح طلعت روحنا لجل تيجي ياخي
طالعين نجيبها أهوا فى كل حاره وحي
حتـى لــو ضـربونـا بالـرصــاص الحي
شوف المداين كده مفروشه خلق وضي
دايمــاً مفاجــأه ودايمــاً وقتهــا معلـوم
الحـكــم لينــا وليــك الحــق يـا مداين
يا مصـر هانـت وبانـت كلهـا كام يوم
نهـارنا نـادي ونهـار النـدل مش باين
يا صف عسكر بدال الدرع شيلو اتنين
25 ينـايـر يـا شــبااااااااااب فـاكـريـن
كان فيه انجليز ووزير الداخليه اتخين
كان عنده برضه عساكر زيكم جامدين
ســابهم يموتـوا علاولا لم سأل فيهم
كانـوا شــبهكـم اســاميكـم اســاميهـم
يـا عسـكـري البهـوات اللـي بتحميهم
ممكـن يـردوا عليـك لمـا تناديهـم ؟؟؟
يا عسـكري أنـا أصلي بــس بسـتغرب
لو لاقي تأكل وتشرب قوم ياعم اضرب
اضرب عشان الوزير من ضربتك يطرب
لكـن هتشـتغــل إيـه لمـا الـوزيــر يهـرب
أمـا الشــديـد القــوي القــادر أبــو القـادر
برميـل تلامـه نشــع علي مصر من الآخر
لــو شــافتـه معــدده تكتـب أدب ســـاخـر
ثـابـت يـقــول للـهــرم يـا كـابتـن اتـأخــر
ولــم يــزل معتـقــد ان الـهــرم هيـقــوم
آدي الحجر والبشر قايمين ياسيد القوم
والديــن هيتـرد يا اللي عشــت متـدايـن
يا مصــر هانـت وبانـت كلهــا كـام يوم
نهـارنا نـادي ونهـار النـدل مــش بايـن
ده حـكــم أســرة ولا خـوفـو ولا خـفرع
ولا وجـع بـطـن يتعـالـج بزيـت خــروع
عمــل مســوجـر بعيــد عنـك ولا يطلـع
جربنا فيه كل شىء ملقينا شـىء ينفع
منفعــش بالأدويـه جـربنا ألـف طبيـب
ولا بعطـاره شــيوخ ليهـم بلح وزبيب
ولا بجحفـل مغـولي وضرب بالقباقيب
عمـل مسوجـر وســفلي شـغل تل أبيب
وشـــغـل أمـريكـا متغـلف وختمه عليه
ضيف زارنا ياعم من غير دعوه لابس بيه
قاعـد 30 ســنة مبيقولـش قاعـد ليه
والنيـه يديهــا لابنـه النابغـه بعـديـه
ويقـول قضا وقـدر بين البشر محتوم
قولناله طيب ومين قال القدر معلوم؟
وايـش عرفك يا فخمتك بالذي كاين؟
يا مصـر هانـت وبانـت كلها كام يوم
نهارنا نادي ونهـار الندل مــش باين

كلمات الشاعر الفلسطيني/ تميم البرغوثي
غناء وتلحين الشاب المصري / مصطفى سعيد
ارجو زيارة الفيديو الخاص بالأغنية
فيديو روووعه ,, لن تستطيع حجب دموعك عن البكاء
https://www.youtube.com/watch?v=B2rqOJmpHl4

يامصر هانت وبانت كلها كام يوم

.................
تشتاق رقيق الصفحات لــ عبير محبرتك الساحره

ومن روائعك التي تأخدنا الي خلف الاسوار والي جديد الاكواااانـ

ساحر الكلماات تبٌثٌ فيها من همس احساسكـ لتتشعب من الافتان

دائماً يطول بنا التجول في اعمااق بحار مشاعرك

راقي لي مروري هنا

وتسجيل اعجابي لما لامست من روعه اختيارك

تحيتي وتقديري
....................

عزيزتي

عذرا ً فقد عجز لساني عن الكلام

وعجزت سطوري عن الكتابة

وعجزت كل جوارحي عن وصفك

الشكر لا يكفي ولذلك أعتقد أن ... العذر يكفي

أعذريني لاني لا أستطيع شكرك

مشكوووووور ابو جنه

كلمات رائعه

وفيديو اروع

وانت الاروع يا استاذى

تقبل منى كل التحيه والتقدير

» من أشعار الغرام...........
» من أشعار الإمام ((علي ابن أبي طالب عليه السلام))
» الثورة ترحل...
» الثورة بنت الأسباب
» الثورة بتتسرق الحـــــــقونا