وظائف خاليه مطلوب (رئيس)

وظائف خالية ... مطلوب رئيس ..!!!









مطلوب عدد 1 رئيس جمهورية للعمل
الراتب : ..... جنيه
ساعات العمل : يومياً صبح وبليل
شروط الوظيفة : خبرة في العمل السياسي يحمل الجنسية المصرية
ويجب ان يمتلك ضمير وعدالة وطموح
من يتوفر فيه الشروط الماضية
عليه التوجه الى الجماهير واعلان الترشيح فور اعلان فتح باب القبول





طبعاً اكيد مش هى دى الطريقة اللى هنجيب بيها رئيس لمصر
ولا شايف من اللى موجدين ع الساحة وش لحد هينهض بالبلد دى
كل الخيارات قدمنا وشوش تقدر تصلح ودا حدها الاقصي





و عبر الاحداث والتطورات البطيئة مش السريعة
لان بالرغم من كل القرارات اللى بتتطلع
بالرغم من محاولة المسئولين حل الازمة
بردوا ومازال البطيء في اتخاذا القرار والتعديل موجود
يمكن يكون الاساليب اللى بنتعامل بيها دى
هى الخبرة اللى خدناها عبر سنين وهو دا ايقاعنا ومعندناش غيره
او
باينها عادة خايفين نقطعهـا..!!!

المهم وبعيداً عن الاحداث اللى عايزلها مليون تفسير وتفسير





مين الرئيس اللى بتحلم بيه ..؟
مين الرئيس اللى هيبنى ..؟
احنا وصلنا لمرحلة النفس الاخير
خراب بسبب نظام ماضي وعقول تايهة
ومفكرين ومسئولين مش عارفين يوصلوا لحلول جذرية









طب اقولكـم الرئيس اللى بحلم انا بيه ..؟
الرئيس اللى بحلم بيه الشروط اللى عايزها متوفرة فيه
بعيدة عن الكتاب السياسي والعلمى والعسكرى
شروط شايفها لازم تكون فيه
شروط مبدئية:-



1- يكون عمره من 40 ل 45 سنة بالكتير اوى
يعنى عايزين شاب عايزين حركة ؛ عايزين روح
عايزين رئيس ياخد قرار ايجابي
مش قرار سلبي وراه خوف وقلق
وابعاد سياسية بيطلع نصها ملهوش اساس من الصحة
عايزين رئيس قلبه شاب عقله بيحلم بمستقبل
مش رئيس شبع من الدنيا وجاى يشبع اكتر





عايزين رئيس يكون في العمر دا
علشان يكون وسط ما بين الشيوخ والشباب
يكون حاسس بجميع الاطراف
عايزين رئيس عنده طاقة مخه صاحي
مش رئيس عنده 60 سنة
اما الحكومة بتستغنى عن السن دا وبتطلعه معاش
وبتشوف ان السن دا مش هيقوم بالشغل اللى فيه على اكمل وجه زى غيره
ومن حقه يرتاح
يبقي ازاى السن دا يفكر لكل المصريين ..؟!!
وهنا كان سؤالنا
ليه مريحوناش وكانوا خلوها من 40 لـ 60 بالكتير اوى ..؟؟
واللا مزال شايفين رؤية لحد معين هو اللى يمسكها..؟!!






2- عايزين رئيس نقوى بيه ويقوى بينا
يكون دليل لينا ؛ كلمته بعد فعله
ميطلعهاش غير عقله ؛ مبيسمعش غير لشعبه
هدفها مصلحة الشعب دا
الحق والعدل دليله
عايزين رئيس لا ينام ولا يرتاحله بال
غير ما يريح بال الناس كلها






3- عايزين رئيس يحل المشاكل
يلغى سطور القانون اللى مكتوبة علشان تحمى الحرامية بس
يكتب سطور قانون جديدة
عنوانها تكون :
القانون يحمى الطيبين
القانون يحمى الغلبانين
القانون وسيلة المظلومين
القانون معاكم وليكم يا مكتومين !!



4- عايزين رئيس يتخيل ان كل واحد في الشعب دا ابنه
معقولة هيسيبه من غير اكل او علاج ..؟!!
او هيسيبه حتى من غير ميرسملوه مستقبل كويس ..؟!
معقولة هيسيب النصابين يخدوا حقه ..؟!
معقولة هو بنفسه هيمص دمه ..؟!!!






5-عايزين رئيس يبنى ويعمر
رئيس خطوته بتلات خطوات
خطوة ... يعوض بيها اللى فات
وخطوة ... يواكب بيها اللى بنعيشه
وخطوة ... يبنى بيها المستقبل






6- عايزين رئيس مننا حاسس بينا
نحترمه ... لانه بيحترمنا
نحبه ... لحبه
يبعد عن
الظلم والديكتادورية والنفاق والسرقة والرياء
والكذب والخيانة والمصالح والفساد
يبعد عن كل معانى الدمار المسرطن
اللى اعراضه بتبان في الوقت الضايع






7- احنا مش عايزين رئيس قبل ما نطلب يلبي
وقبل ما نفكر ينفذ ؛ و قبل ما نحلم يحقق
يدوب عايزين رئيس يلبي لما نطلب
وميخليش الوقت يسرقه
بالعربي عايزين رئيس ينجز






عايزين رئيس ... قلبه لسه موجود !!!
مش مجرد من الانسانية ومعدوم الضمير
مش بنطالب بصانع المعجزات ولا حاجة





عايزين رئيس ... ياترى فيه ..؟
واللا مبقاش عندنا ولو واحد من ال 80 مليون ..؟!!!!![center][font="Arial"]

عايزين رئيس ... ياترى فيه ..؟
واللا مبقاش عندنا ولو واحد من ال 80 مليون ..؟

اكـــيد طبــــــــع ــــــأصح كل ما سطرته هنا أخي
وكل ما ابدعتنا بهي هنا
وبالتوفيق ان شاء الله

عايزين رئيس ... ياترى فيه ..؟
واللا مبقاش عندنا ولو واحد من ال 80 مليون ..؟

اكـــيد طبــــــــع ــــــأصح كل ما سطرته هنا أخي
وكل ما ابدعتنا بهي هنا
وبالتوفيق ان شاء الله

مشكور اخي علي الموضوع
سلمت يداك ومصر ملئية بالشرفاء
ويوجد لدينا 80 مليون مصري يحمل الجنسية المصرية ويحمل معه الشرف والامان
لا يوجد مصري غير شريف بيننا
كلنا شرفاء وكلنا نفتخر باننا مصريين
ولدنا علي ارض تلك البلد وسوف نموت هنا بنفس الارض

كلى شرف من تعبيراتكم البهية

مرور معطر بالياسمين والريحان

سلمت الانامل على فن الكلمات

يــــــــــــا

حلم عمرى

ذادت كلماتى نور من عبق قلمكم الحنون

صديقى الفارس المصري

مبارك عليك وعلينا شرف المصريه